Verxnedvinskda (Belarus) mast haydovchi sodir etgan yo‘l-transport hodisasida mast erkak va shirakayf ayol (uni olib yurish uchun bolalar aravachasi o‘g‘irlangan) jabrlandi. Bu haqda “Gazeta.ru” xabar bermoqda.
Ma’lum bo‘lishicha, jabrdiyda erkakni mast holida militsiya ushlagan. Kechki payt qo‘yib yuborishgach, uni kutib turgan shirakayf ayol bilan qishloqdagi uyiga qaytmoqchi bo‘lgan. Ammo yo‘lda ayolning mazasi qochgach, bir uydan bolalar aravachasini o‘g‘irlab chiqib, jazmanini shunga o‘tqazgan.
Shahar chetida ularni “Jiguli” avtomobilini boshqarib ketayotgan mast haydovchi urib yuborgan va voqea joyidan yashiringan. Mazkur hodisa oqibatida erkakning oyog‘i, ayolning esa qovurg‘alari singan.
Haydovchi qo‘lga olindi va 5 yilga ozodlikdan mahrum etildi. Jabrdiyda erkak esa bolalar aravachasini o‘g‘irlagani va boshqa bir ayolni kaltaklagani uchun 1,5 yil qamoq jazosi oldi.
Izoh (0)