Avstriyalik keksa ayol qarindoshlari qo‘liga tegishini istamagani uchun salkam 1 million yevroni yo‘q qildi. Ayolning nomi oshkor etilmagan, deya xabar beradi “Kazinform”.
The Sun nashrining yozishicha, 85 yoshli momoning qilmishi to‘g‘risida u qariyalar uyida vafot etgandan keyingina ma’lum bo‘lgan. Ayol jami 950 ming yevro bo‘lgan mingta kupyurani mayda-mayda qilgan.
Bankirlar mazkur kupyuralar bo‘laklarini topishsa va topshirishsa, uning oilasiga pullarni almashtirib berishga tayyor ekanliklarini bildirgan. Shu bois ayolning yaqinlari pullarning qoldig‘ini qidirish bilan band.
Prokuror Erix Xabitsl yo‘q qilingan pullar topilganini tasdiqladi. U avstriyalik momo hech qanday qonunlarni buzmagani, tekshiruv olib borilmasligi, chunki pullar ayolning o‘ziga tegishli bo‘lganini bildirdi.
Izoh (0)