Aleksandr Lukashenko Belarus prezidenti vazifasini bajarishga kirishdi
Belarusning qayta saylangan prezidenti Aleksandr Lukashenko rasman davlat rahbari vazifasini bajarishga kirishdi. Bu haqda “RIA Novosti” xabar bermoqda.
Foto: “RIA Novosti”
Mustaqillik saroyida, mingdan ziyod mehmonlar ishtirokida Lukashenko mamlakat Konstitutsiyasiga qo‘lini qo‘yib, respublika xalqiga sadoqat bilan xizmat qilish, fuqarolarning huquq hamda erkinliklarini hurmat qilish va asrash, mamlakat Konstitutsiyasiga rioya etish va himoya qilish, o‘ziga yuklatilgan yuksak majburiyatlarni sidqidildan bajarishga qasamyod etdi. Markaziy saylov komissiyasi raisi Lidiya Yermoshina Lukashenkoga prezidentlik guvohnomasini topshirdi.
Eslatib o‘tamiz, Belarus prezidentligiga saylovlar 11-oktabrda bo‘lib o‘tdi va unda mamlakatni 1994-yildan beri boshqarib kelayotgan Lukashenko 83,5% ovoz to‘plab, g‘olib chiqdi. U Belarusning birinchi va hozircha yagona prezidenti hisoblanadi.
Izoh (0)