Filippin janubidagi Zamboanga shahridagi bozorda yuz bergan yong‘in oqibatida 15 savdogar, xususan, to‘rt o‘smir halok bo‘ldi. Bu haqda “RBK” xabar bermoqda.
Associated Press’ning politsiya ma’lumotlariga asoslanib xabar berishicha, mahalliy vaqt bilan 31-oktabr, shanba kuni tongda yuz bergan va uch soat davom etgan yong‘in davomida yana 13 kishi tan jarohati olgan.
Dastlabki ma’lumotlarga ko‘ra, yong‘in elektr simlaridagi uchqundan kelib chiqqan — alanga chodirlarga o‘tib, ko‘lami kengayib ketgan. Politsiya ma’lumotlariga ko‘ra, shundan so‘ng yong‘in kiyim rastasiga o‘tgan.
Qurbonlar asosan kiyim savdogarlari bo‘lib, ular yong‘in kelib chiqqan vaqtda o‘z chodirlari ichida uxlab yotgan bo‘lgan.
Izoh (0)