2015-yilning 19-oktabr kuni O‘zbekiston Respublikasi tashqi ishlar Vaziri Abdulaziz Kamilov O‘zbekistonga tashrif buyurgan Yevropa tashqi faoliyat xizmati Bosh kotibi Alen Le Ruani qabul qildi. Bu haqda O‘zbekiston TIV matbuot xizmati xabar bermoqda.
Muloqot davomida siyosiy, savdo-iqtisodiy, investitsiya, madaniy-gumanitar va boshqa sohalarda O‘zbekiston va Yevropa Ittifoqi o‘rtasidagi hamkorlikning hozirgi holati hamda uni yanada rivojlantirishning istiqbolli yo‘nalishlari muhokama qilindi.
Suhbat chog‘ida Yevropa Ittifoqining Markaziy Osiyo uchun strategiyasi doirasidagi ikki va ko‘p tomonlama loyihalarni amalga oshirish masalalariga alohida e’tibor qaratildi.
Shuningdek, dolzarb xalqaro va mintaqaviy muammolar yuzasidan fikr almashildi.
Uchrashuvda YeI delegatsiyasi rahbari, elchi Yuriy Shterk va YeIning Markaziy Osiyo bo‘yicha maxsus vakili Piter Burian ishtirok etdi.
Izoh (0)