O‘zbekiston termasining sobiq futbolchisi Dilmurod Nazarov vafot etdi

1976-yilning 12-aprelida tug‘ilgan Dilmurod Nazarov 10-oktabr kuni 39 yoshida vafot etdi. Bu haqda “Championat.asia” xabar bermoqda.

Professional faoliyatini 1992-yil “Paxtakor” safida boshlagan. Ikki yil davomida ushbu klub sharafini himoya qilgan Dilmurod Nazarov O‘zbekiston chempioni (1992) va O‘zbekiston kubogi (1993) sohibiga aylandi.

1993-yil Qozog‘istonning “Ordabasi” klubida o‘ynab, yana “Paxtakor”ga qaytdi. Uch yil ichida “sherlar” safida yana chempion (1998) va kubok sohibi (1997) bo‘ldi. 1995-yilda O‘zbekistonning eng yaxshi futbolchisi so‘rovnomasida 2-o‘rinni band etdi.

1999-yilda Toshkentning “Traktor” va Chimkentning “Ordabasi” klubida faoliyat olib bordi.

Keyingi yil “Paxtakor”da, 2001-yilda esa “Surxon” klubida o‘ynagan. Qisqa muddat Qozog‘istonning “Taraz” jamoasi sharafini himoya qildi. Qozog‘istonda “Qaysar”, “Yassi Sayram” va “Ordabasi” kabi klublarda o‘ynadi.

2006-yilda Namanganning “Navbahor” klubi safida o‘ynab, futobolchilik faoliyatini yakunladi.

O‘zbekiston milliy terma jamoasi safida 1995—1997-yillarda 10 ta o‘yinda maydonga tushgan. 1996-yilda Osiyo Kubogida ishtirok etgan.