O‘zbekiston hukumati Markaziy Osiyo uchun kimyoviy, biologik, radiologik va yadro materiallari bo‘yicha ilg‘or tajribalar markazlarining Mintaqaviy kotibiyati rahbarini tayinladi, deya xabar bermoqda UzDaily.
Vazirlar Mahkamasi qaroriga ko‘ra, “Sanoatgeokontexnazorat” Davlat inspeksiyasi boshlig‘i Mintaqaviy kotibiyat rahbari hisoblanadi. Ayni paytda inspeksiya rahbari Baxtiyor G‘ulomovdir.
Yevropa ittifoqi komissiyasining Vazirlar Mahkamasi qoshidagi Texnik hamkorlikni muvofiqlashtirish byurosi direktori Mintaqaviy kotibiyatning milliy koordinatori etib tayinlandi. Ayni paytda byuroga Jamshid Sharipov direktorlik qiladi.
Eslatib o‘tamiz, 17-iyul kuni Toshkentdagi “Sanoatgeokontexnazorat” davlat inspeksiyasida Kimyoviy, biologik, radiologik va yadroviy materiallar bilan bog‘liq xavflarni kamaytirish bo‘yicha ilg‘or tajribalar markazining Markaziy Osiyo bo‘yicha Mintaqaviy kotibiyatining ochilishi bo‘lib o‘tgan edi.
Uning faoliyati jinoyat, falokat tufayli yoki tabiiy ravishda kelib chiqqan kimyoviy, biologik, radiologik va yadroviy xavflarni mukammal va muvofiqlashtirilgan siyosat olib borish yo‘li bilan kamaytirishga qaratilgan.
Izoh (0)