Toshkent shahrida 3-oktabr, shanba kuni Ayollar tennis assotsiatsiyasi (WTA)ning tennis bo‘yicha 17-xalqaro Tashkent Open musobaqasi yakuniga yetdi. Bu haqda “12news.uz” xabar bermoqda.
Juftlik bahslari finalida rossiyalik Margarita Gasparyan va Aleksandra Panova dueti Vera Dushevina (Rossiya) va Katerina Sinyakova (Chexiya) ustidan 6:1, 3:6, 10:2 hisobida ustun keldi.
Yakkalik bahslari finalda esa yaponiyalik Nao Xibino xorvatiyalik raqibi Donna Vekichni ikki setda bir xil — 6:2, 6:2 hisobida mag‘lub etib, Tashkent Open’ning 2015-yilgi bahslari g‘olibiga aylandi.
Ma’lumot o‘rnida, o‘zbekistonlik tennischi qizlardan faqat bir nafari musobaqaning yakkalik bahslarida nimchorak finalga chiqqan bo‘lsa (Nigina Abduraimova shvesiyalik Yohanna Larssonga mag‘lub bo‘lgandi), juftlik bahslarida faqat Oqgul Omonmurodova va Nigina Abduraimova juftligi chorak finalgacha yetib kelgandi.
Izoh (0)