Rossiyaning “Krasnodar” futbol klubi sharafini himoya qiluvchi o‘zbekistonlik yarim himoyachi Odil Ahmedov Yevropa Ligasi doirasida “Gabala”ga qarshi uchrashuvdan so‘ng o‘z fikrlari bilan o‘rtoqlashdi. “Uff.uz”ning yozishicha, Ahmedov jamoasi bu o‘yinda Ozarbayjon klubi ustidan 2:1 hisobida g‘alaba qozondi.
“Biz har uch kunda maydonga tushmoqdamiz. Shu sababli charchoq alomatlari bor. Ikkinchi bo‘limda xotirjamroq o‘ynadik, shu sababli g‘alabaga erishdik. Mazkur o‘yindagi natija biz uchun juda muhim edi”, — dedi o‘zbekistonlik futbolchi.
“Yaxshi sport formasida bo‘lishni istaymiz. Ammo yomg‘ir yaxshi o‘yin namoyish etishga halal berdi”, — deya qo‘shimcha qildi Odil Ahmedov.
Izoh (0)