Yaqindagina professional boksdagi faoliyatini boshlagan o‘zbekistonlik Sanjar Rahmonov dunyoga mashhur “Meyvezer Promoushens” klubi bilan shartnoma imzoladi. Ushbu kompaniya yaqinda faoliyatini yengilmas bokschi sifatida yakunlagan amerikalik mashhur Floyd Meyvezerga tegishli, deb xabar beradi “Olamsport”.
Sanjar Rahmonov 12-sentabr kuni aynan “Meyvezer Promoushens” kompaniyasi tomonidan tashkil etilgan boks oqshomida professional faoliyatidagi ikkinchi jangini o‘tkazib g‘alaba qozongan edi.
Ushbu boks oqshomining markaziy jangida esa Meyvezer amerikalik Andre Bertoni ochkolar hisobida mag‘lubiyatga uchratgandi. Meyvezer 49 ta jangning barchasida zafar quchib, afsonaviy Rokki Marchianoning rekordini yangilagandi.
Bundan buyon Sanjar Rahmonov o‘z janglarini aynan Meyvezerga tegishli kompaniya tomonidan tashkil etadigan boks kechalari doirasida o‘tkazadi.
Izoh (0)