Rossiyaning Novosibirsk viloyati va Krasnoyarsk o‘lkasida O‘zbekistonning savdo-iqtisodiy va investitsiyaviy salohiyatiga bag‘ishlangan biznes-forumlar bo‘lib o‘tdi. UzDaily xabariga ko‘ra, ushbu tadbirlar O‘zbekistonning Moskvadagi elchixonasi va Novosibirskdagi Bosh konsulligi tomonidan tashkil etilgan.
Uchrashuvlar davomida O‘zbekistonning mustaqillik yillarida erishgan yuksak makroiqtisodiy ko‘rsatkichlari, shuningdek, investitsiyaviy siyosatning asosiy samaralari hamda tadbirkorlik faoliyati, kichik biznes va xususiy tadbirkorlik rivoji uchun sharoitlarning yanada liberallashtirilayotganiga alohida e’tibor qaratildi.
Shu bilan birga, biznes-forum qatnashchilari O‘zbekistonning sayyohlik salohiyati taqdimoti bilan ham tanishdi. Xususan, Italiyaning Milan shahrida 2015-yilning 1-mayidan 31-oktabriga qadar davom etadigan Expo Milano-2015 jahon ko‘rgazmasidagi O‘zbekiston milliy stendi haqida batafsil axborot berildi.
Izoh (0)