Bugun, 24-sentabr kuni Mino vodiysida joylashgan Jamarot — Shaytonga tosh otadigan joyga olib boruvchi va undan qaytiladigan yo‘lda, hojilarning tirbandligi natijasida odamlar bir birlarini behos siqib tashash holati vujudga keldi, deb xabar beradi Din ishlari bo‘yicha qo‘mita matbuot xizmati.
Natijada, Saudiya Arabistoni fuqaro muhofazasi xabarlariga ko‘ra, 453 kishi hayotdan ko‘z yumdi, shuningdek, 719 kishi jarohatlandi.
Saudiya Arabistonida o‘zbekistonlik hojilarga xizmat ko‘rsatuvchi ishchi guruh bergan ma’lumotga ko‘ra, hodisa yuz bergan paytda o‘zbekistonlik hojilar Muzdalifa vodiysidan Minoga qaytayotgan edi. O‘zbekistonlik hojilar hech qanday talofat ko‘rmadi, barchalari sog‘u salomat va ibodatlarini davom ettirmoqda.
Eslatib o‘tamiz, 11-sentabr kuni Makkadagi Al Haram masjidiga kran qulashi natijasida 107 kishi halok bo‘lgan. Ammo u hodisadan ham o‘zbekistonlik ziyoratchilar jabrlanmagan edi.
Izoh (0)