Diniy konfesiya rahbarlari Qurbon hayiti munosabati bilan o‘zbekistonlik musulmonlarni qutladi

Joriy yilning 24-sentabr kuni Qurbon hayiti munosabati bilan o‘zbekistonlik musulmonlarni qutlash maqsadida O‘zbekiston musulmonlari idorasiga diniy konfesiya rahbarlari tashrif buyurdi. Bu haqda Din ishlari bo‘yicha qo‘mita matbuot xizmati xabar bermoqda.

Uchrashuvlarda Respublikada faoliyat ko‘rsatayotgan diniy konfesiya rahbarlarini O‘zbekiston musulmonlari idorasi raisi o‘rinbosarlari, shayx A.Mansurov va A.Yunusovlar kutib oldi.

Mehmonlar O‘zbekiston musulmonlarini bayram bilan muborakbod etar ekan, bugungi kunda ushbu uchrashuvga o‘xshash do‘stona munosabatlar bardavom bo‘lishi zamirida O‘zbekistonda davlat rahbari Islom Karimov boshchiligida boshqa barcha sohalar qatorida, din sohasida ham olib borilayotgan odilona siyosat, tinchliksevar xalqning bag‘rikengligi yotganini ta’kidladi. Shuningdek, mehmonlar O‘zbekistonda qaror topgan tinchlik, totuvlik, dinlar va millatlararo bag‘rikenglik ruhiga yuksak baho berib, bu borada olib borilayotgan ishlarni izchil davom ettirish zarurligini ta’kidladi.

Uchrashuv so‘ngida mezbonlar konfesiya rahbarlarini tashrifi bilan yana bir bor qutlab, o‘z minnatdorchiliklarini bildirdi.