“Pop — Qo‘qon — Andijon” temiryo‘l uchastkasi elektrlashtiriladi

O‘zbekiston temiryo‘lchilari 186 kilometrlik “Pop — Qo‘qon — Andijon” temiryo‘l uchastkasini elektrlashtirishga kirishadi, deya xabar bermoqda “12news.uz”. Bu hukumatning tegishli qarori (pdf) bilan tasdiqlandi.

Hujjatga ko‘ra, ushbu ishlar “‘Angren — Pop’ elektrlashtirilgan temiryo‘l liniyasini qurish” loyihasi tarkibiga kiritiladi.

“‘Angren — Pop’ elektrlashtirilgan temiryo‘l liniyasini qurish” loyihasining tasdiqlangan moliyalashtirish manbalari doirasida O‘zbekiston Respublikasining Davlat byudjeti mablag‘lari, “O‘zbekiston temir yo‘llari” AJning o‘z mablag‘lari, Tiklanish va taraqqiyot jamg‘armasining kreditlari  “Pop — Qo‘qon — Andijon” temiryo‘l uchastkasini elektrlashtirish ishlarini moliyalashtirish manbalari etib belgilandi.