Singapurda yarim asrdan buyon hukmronlik qilayotgan partiya saylovda yana g‘olib bo‘ldi

Singapurda 50 yildan ortiq hukmronlik qilayotgan “Xalq harakati” partiyasi mamlakatda 11-sentabr, juma kuni bo‘lib o‘tgan parlament saylovlarida g‘alaba qozondi. Bu haqda “Vedomosti” xabar beradi.

“Xalq harakati” partiyasi yangi hukumatni shakllantirish huquqini qo‘lga kiritish uchun talab etilayotgan 45 dan ortiq o‘rinni egalladi.

Rasmiy ma’lumotlarga qaraganda, partiya o‘zining 2011-yildagi natijasini yaxshilab, parlamentdagi 89 o‘rindan 83 tasini qo‘lga kiritdi. To‘rt yil avval partiya parlamentdagi 87 o‘rindan 80 tasini egallagan edi.