Buyuk Britaniya qirolichasi Yelizaveta II ning boyligi 425 million dollar (276,7 million funt)ni tashkil etadi, deb xabar beradi Bloomberg.
Bu ko‘rsatkich bo‘yicha u Britaniyaning eng badavlat kishisi Jerald Grosvenordan (14 milliard dollar) 33 marta ortda qoladi. Yevropaning eng boy ayoli – Lilian Betankur esa 32 milliard dollar boylikka ega.
Agentlikning ta’kidlashicha, bu yerda so‘z 89 yoshli monarxning faqat shaxsiy mablag‘lari haqida bormoqda. Britaniya qirollik oilasi jami 20 milliard funt sterling aktivlarga ega bo‘lib, ular ishonchli boshqaruv ostidadir.
Eslatib o‘tamiz, Buyuk Britaniya qirolichasi Yelizaveta II 2015-yilning 9-sentabr oqshomida mamlakat tarixidagi eng uzoq hukmronlik qilgan monarxga aylandi.
Izoh (0)