Yaponiyaga kuchli to‘fon yaqinlashmoqda

Yaponiyaga janubi-sharqdan yaqinlashib kelayotgan “Kilo” kuchli to‘foni o‘zi bilan shiddatli shamol va sharros yomg‘irni olib keladi. Bu haqda “Korrespondent.net” xabar beradi.

Yaponiya Bosh meteorologiya agentligining ma’lum qilishicha, to‘fon markazidagi bosim 965 gektopaskalni tashkil etadi. Bir vaqtning o‘zida uning markazidagi shamolning tezligi bir soniyada 35 metrga, kuchayganda esa 50 metrgacha yetadi.

Mutaxassislarning bashorat qilishicha, siklon 11-sentabr, juma kuni Xonsyu yapon orolining shimoli-sharqiga yetib kelib, undan so‘ng Xokkaydoga qarab harakatlanadi.

“Kilo” to‘foni bilan bir paytda Yaponiyaga janubdan “Atau” tropik sikloni yaqinlashmoqda.