Misrdagi Sinay yarim oroli shimolida ro‘y bergan ketma-ket portlashlar natijasida u yerda faoliyat olib boruvchi ekstremistik tashkilotning kamida 15 jangarisi halok bo‘ldi, yana o‘n nafari yaralandi, deya xabar bermoqda ”TASS”. Terrorchilar G‘azo sektori chegarasidagi Rafax tumanida joylashgan maktablardan biriga mina joylayotgan paytida portlab ketgan.
“Ansar Bayt al Makdis” guruhi jangarilari o‘quv muassasasini o‘zlariga boshpana qilib olgan va u yerda qurol-yarog‘, o‘q-dori va portlovchi qurilmalarni saqlagan. Bir necha kishi armiya hujumidan xavfsirab, bino atrofi va ichiga portlovchi modda zaryadini joylab chiqayotgan bo‘lgan. Shunda bombalardan biri to‘satdan ishga tushgan, natijada qolgan portlovchi moddalar ham portlab ketgan.
Izoh (0)