Donald Tramp Respublikachilar partiyasidan prezidentlik lavozimiga da’vogarlar orasida yetakchilikni saqlab qolmoqda: uni potensial saylovchilarning 30 foizi qo‘llab-quvvatlashga tayyor. Bu haqda Monmut universiteti tomonidan o‘tkazilgan so‘rov natijalariga tayanib, “TASS” xabar berdi.
So‘rov natijalariga ko‘ra, Trampning mashhurligi bir oyda 4 foizga o‘sgan.
Uning raqobatchilari — iste’fodagi neyrojarroh va pediatr Ben Karsonni so‘rov ishtirokchilarining 18 foizi, Florida sobiq gubernatori Jeb Bushni — 8 foizi, Texasdan senator Ted Kruzni — 8 foizi, Floridadan senator Marko Rubioni — 5 foizi, HP korporatsiyasi sobiq rahbari Karli Fiorinani — 4 foizi va Arkanzas sobiq gubernatori Maykl Xikabini ham 4 foizi qo‘llab-quvvatlashga tayyor.
Izoh (0)