Toshkentda o‘tkaziladigan futzal bo‘yicha Osiyo chempionati—2016 saralash bosqichiga qur’a tashlandi
Malayziya poytaxti Kuala-Lumpur shahrida 2-sentabr kuni futzal bo‘yicha Osiyo chempionati—2016 saralash bosqichiga qur’a tashlandi. Bu haqda O‘zbekiston futbol federatsiyasi matbuot xizmati xabar bermoqda.
Osiyo chempionatining final bosqichi 2016-yilning 9—21-fevral kunlari O‘zbekiston poytaxti Toshkent shahrida bo‘lib o‘tadi.
Qur’a natijalari quyidagicha bo‘ldi.
G‘arbiy Osiyo mintaqasi (ikkita guruhga ajratildi, har bir guruhdan ikkita jamoa final bosqichiga chiqadi):
“A” guruhi: Livan, Saudiya Arabistoni, Bahrayn, Iordaniya“B” guruhi: Iroq, Qatar, BAA
Ushbu mintaqa jamoalari o‘rtasidagi o‘yinlar 1—3-oktabr kunlari Malayziyada o‘tkaziladi.
Markaziy Osiy mintaqasi (ikkita jamoa final bosqichiga chiqadi):
Bu mintaqadan saralash bosqichida ishtirok etadigan jamoalar soni to‘rtta bo‘lgani sabab ular uchun qur’a o‘tkazilmadi.
“A” guruhi: Tojikiston, Qirg‘iziston, Turkmaniston, Afg‘oniston
Bu mintaqa jamoalari o‘yinlari 14—16-noyabr kunlari Tojikistonda bo‘lib o‘tadi.
Sharqiy Osiyo mintaqasi (ikkita jamoa final bosqichiga chiqadi):
Ushbu mintaqadan saralashda ishtirok etadigan jamoalar soni beshta bo‘lgani uchun guruh qur’asiz aniqlandi.
“A” guruhi: Mo‘g‘uliston, Xitoy Taypei, Xitoy, Janubiy Koreya, Gongkong.
Bu mintaqa jamoalari o‘yinlari 14—16-noyabr kunlari Mo‘g‘ulistonda bo‘lib o‘tadi.
Yaponiya, Eron va O‘zbekiston terma jamoalari 2014-yili Vyetnamda bo‘lib o‘tgan Osiyo chempionatida eng yaxshi natija ko‘rsatgan jamoalar sifatida to‘g‘ridan-to‘g‘ri final bosqichiga yo‘llanma oldi. O‘zbekiston navbatdagi Osiyo chempionati mezboni sifatida ham to‘g‘ridan-to‘g‘ri yo‘llanmaga ega bo‘lgani uchun avvalgi chempionatda to‘rtinchi yaxshi natijani qayd etgan Kuvayt terma jamoasi ham final bosqichiga saralashsiz yo‘llanma oldi.
