Kentukkidagi shaharga merlik qiluvchi it AQSh prezidentligi uchun kurashadi

Kentukki shtatidagi kichik Rebbit Xesh shahriga merlik qiluvchi Lyusi Lu laqabli it, egasining so‘zlariga ko‘ra, shaharga rahbarlik qilishni topshirishi bilan AQSh prezidentligi uchun o‘z nomzodini qo‘yadi. Bu haqda “Cincinnati.com” xabar berdi.

Lyusi Lu besh yil davomida shaharga merlik qildi. U 5-sentabr kuni o‘z vakolatini topshirishi kutilmoqda. It 2008-yili 135 kishi istiqomat qiladigan shahar rahbari etib saylangan edi. O‘sha saylovda u 13 raqibni, jumladan, to‘qqiz it, bir mushuk, bir opossum, bir eshak va bir odamdan ustun kelgandi.

Shahar hokimi sifatida Lyusi Lu shahar paradlariga boshchilik qildi, milliy televideniye va radioda chiqdi, shuningdek, bir qator hujjatli filmlarda suratga tushdi.

Rebbit Xesh shahri meri amalda hech qanday hokimiyatga ega emas va shaharning ijtimoiy hayotiga hech qanday ta’sir ko‘rsata olmaydi.