AQShda ko‘pincha ko‘pchilikning o‘limi bilan tugovchi, o‘qotar qurollar qo‘llash bilan bog‘liq hodisalar teraktlardan-da xavfliroq bo‘lib bormoqda. Bu haqda Virjiniya shtatida ikki jurnalistning o‘ldirib ketilishini izohlayotib, mamlakat prezidenti Barak Obama aytib o‘tdi, deb yozadi “Korrespondent.net”.
Uning ta’kidlashicha, AQShda o‘q otish bilan bog‘liq hodisalar chog‘ida teraktlardagidan ko‘ra ancha ko‘p kishi halok bo‘ladi.
Eslatib o‘tamiz, WDBJ7 telekanalining 24 yoshli jurnalisti Elison Parker va 27 yashar operator Adam Uord 26-avgust, chorshanba kuni to‘g‘ridan-to‘g‘ri efir chog‘ida otib tashlangan, intervyu berayotgan mahalliy amaldor ayol esa yaralangandi.
Qotil marhumlarning hamkasbi, mazkur telekanal xodimi Vester Flanigan bo‘lib chiqdi. Keyinroq u o‘z joniga qasd qilib, hayotdan ko‘z yumdi.
Izoh (0)