Checheniston Respublikasi poytaxti Grozniydagi yangi “Grozniy qo‘rg‘oni” avtodromida dreg-reysing bo‘yicha Rossiya chempionatining to‘rtinchi bosqichi va Ahmad Hoji Qodirov nomidagi Kubok bo‘lib o‘tdi, deya xabar bermoqda “Gazeta.ru”.
Avtodromning tantanali ochilish marosimida Checheniston rahbari Ramzan Qodirov va rossiyalik birinchi “Formula-1” poygachisi Vitaliy Petrov qatnashdi.
Tadbirda Petrov Qodirovga o‘zining sportdagi karyerasi to‘g‘risidagi kitobni sovg‘a qildi. Bundan tashqari, Qodirov Ferrari poyga avtomobilini boshqardi.
“Grozniy qo‘rg‘oni” avtodromining umumiy maydoni qariyb 60 gektarni tashkil etadi. Majmuaga ko‘rgazma zali, tyuning shaharchalari va to‘rtta trassa kiradi.
Izoh (0)