Muvozanatli uy, Serbiya
Xobbit uyasi
Fotograf Saymon Deyl o‘zi uchun qurgan eko-uy “Uzuklar hukmdori” filmidagi xobbitlar yashaydigan joyni eslatib yuboradi.
Gumbaz-uy
Stiv Erin o‘zining ushbu orzudagi uyini olti hafta ichida 9000 dollar sarflab qurgan.
Suzuvchi uy
Me’mor Dmitr Malsev ushbu uyni fransiyalik suzuvchi uylar konstruktori uchun qurgan. Uning asosiy ustunligi — oynalardan ko‘rinadigan manzara.
Mikrouy
Bu uy juda kichik hajmiga qaramay, ancha arzon va qulay, shuningdek, kam joyni egallaydi.
Eski derazalardan qurilgan uy, Virjiniya, AQSh
Bir qaraganda bu uy unchalik chiroyli ko‘rinmaydi, biroq eski derazalardan tiklangan imoratdan ko‘rinadigan manzara hamma narsaning o‘rnini bosadi. Fotograf Nik Olson va dizayner Lila Xorvits uni qurish uchun atigi 500 dollar sarflagan.
Boeing 727 samolyotidagi uy, Kosta-Rika
1965-yilda ishlab chiqarilgan eski samolyot San-Xose aeroportidan 2000 dollarga sotib olingan va shinam uyga aylantirilgan.
Sayohatchilar uchun uy
Me’mor talaba Xenk Butita olgan bilimlarini amalda qo‘llash maqsadida diplom ishi sifatida eski maktab avtobusini uyga aylantirgan. U bu ishga 15 hafta vaqtini sarfladi, natijada endi uning o‘z uyi bor.
O‘rmonchining uyi, Niderlandiya
Xans Liberg tomonidan loyihalashtirilgan ushbu uy yopiq bo‘lganda o‘tin uyumini eslatib yuboradi, shu sababli uni payqash oson emas.
Daraxtlar orasidagi villa, Yaponiya
Daraxtlarni kesib, bo‘sh joyda uy qurish o‘rniga me’mor Keysuke Kavaguchi daraxtlar orasida xonalar jamlanmasini qurdi. Xonalar bir-biri bilan bog‘langan bo‘lib, ularning hammasi qiyalikda joylashgan.
Tepalik ichidagi uy, Shveysariya
Ushbu uy amalda yer ostida joylashganiga qaramay, uning ko‘plab derazalari va hovlisi orqali Shveysariya Alplari manzaralarini tomosha qilish mumkin.
Bungalo, Finlyandiya
Ikki hafta ichida qurilgan ushbu uycha ikki qavat va ochiq havoda dam olish uchun hovlichadan iborat.
Me’mor Robin Falkning so‘zlariga ko‘ra, uni dam olish kunlarini o‘tkazish maqsadida qurgan.
eBay orqali hayratlanarli narsalarni sotib olish mumkin. Masalan, Kurt Sliper g‘or sotib olib, uni uyga aylantirgan.
Sharshara ustidagi uy, Pensilvaniya, AQSh
Ushbu afsonaviy uyni 1935-yilda me’mor Frenk Lloyd Rayt qurgan.
Buyurtmachilar uyda ko‘proq joy bo‘lishini istagan, biroq hudud kichik bo‘lgan. Shunda Rayt uyning bir qismini sharshara ustida qurishga qaror qilgan.
Izoh (0)