Makedoniya politsiyasi Gretsiya bilan chegarani yopishga urinishdan to‘xtab, yuzlab muhojir va qochoqlar uchun o‘z hududini ochgach, minglab kishilar yana Makedoniyaga qarab yopirildi, deya xabar bermoqda “Korrespondent.net”.
20-avgust, payshanba kuni Makedoniya favqulodda holat joriy etilganini e’lon qilib, o‘zining janubiy chegarasini yopgan, mamlakat hududiga kirishga uringan muhojirlarga qarshi ko‘zni yoshlantiruvchi gaz hamda yorug‘lik va shovqinli granatalarni qo‘llagan edi.
Biroq hozirda, guvohlar so‘zlariga ko‘ra, Gevgeliyadagi o‘tkazish punkti to‘liq ochilgan, va Makedoniyaga asosan Suriya, Iroq va Afg‘onistondan muhojirlar oqimi kelmoqda. Makedoniyada ular avtobus va poyezdlarga o‘tirib, Serbiya va Yevroittifoq mamlakatlariga jo‘naydi.
Izoh (0)