Yevroittifoq Belarusda olti muxolifatchining ozod etilganini olqishladi

Yevropa diplomatiyasining rahbari Federika Mogerini Belarus prezidenti Aleksandr Lukashenkoning muxolifatning olti nafar vakilini ozod qilish haqidagi qarorini “uzoq kutilgan olg‘a qadam” deb atadi. Bu haqda “Echo.msk.ru” xabar bermoqda.

Mogerini xonim Lukashenkoning Belarus prezidentligiga sobiq nomzod Nikolay Statkevichni afv etish haqidagi qarorini alohida qayd etib o‘tdi.

Ta’kidlash joiz, Statkevichning o‘zi ozod etilganidan so‘ng afv etishni so‘rab Lukashenkoga xat yozmaganini, bu qaror uning o‘zi uchun ham kutilmagan hodisa bo‘lganini aytib o‘tgandi.