KXDR Janubiy Koreyaga nisbatan ilgari surgan ultimatum muddati mahalliy vaqt bo‘yicha 22-avgust kuni 17:00 (Toshkent vaqti bo‘yicha 13:00)da tugadi. Unga ko‘ra, Seul chegarada joylashgan radiokarnaylarni olib tashlashi kerak edi, biroq u bu shartni bajarmadi, deb yozadi “Vedomosti”.
Ammo tomonlar 18:00 (Toshkent vaqti bilan 14:00)da tanglikni tartibga solish maqsadida uchrashuv o‘tkazishga kelishib olgani tufayli, Shimoliy Koreya ultimatumining shartlari kuchda qolish-qolmasligi noma’lum. Nizoning har ikkala tomoni ham bu yuzasidan hech qanday izoh berganicha yo‘q.
Yarim orolda vaziyatning jiddiy keskinlashuvi 20-avgust, payshanba kuni KXDR va KR qurolsizlantirilgan hududning g‘arbiy qismida bir-biriga artilleriyadan o‘q yog‘dirgach, sodir bo‘ldi. Janubiy Koreya ma’lumotlariga ko‘ra, o‘t birinchi bo‘lib, Shimol tomonidan ochilgan, bunga u yerga Seul tomonidan Pxenyanga qarshi targ‘ibot kampaniyasida foydalaniladigan radiokarnaylar joylangani sabab bo‘lgan. Biroq KXDR o‘z harbiylari birinchi bo‘lib o‘q yog‘dirganini rad etmoqda.
Izoh (0)