Salvador qamoqxonasidagi qirg‘in natijasida 14 kishi halok bo‘ldi

Salvador qamoqxonalaridan birida yuz bergan qirg‘in natijasida jinoiy guruhlardan birining 14 nafar a’zosi halok bo‘ldi. “Korrespondent.net” xabariga ko‘ra, mazkur holat yuzasidan qamoqxona rahbariyati va mahalliy politsiya tergov harakatlarini boshlagan.

Mamlakat shimolidagi Kesaltepeke qamoqxonasini tekshirish vaqtida erkaklarning jasadlari topilgan. Halok bo‘lganlarning bari Salvadordagi eng yirik ko‘cha to‘dalaridan biri hisoblangan “Barrio-18” guruhi a’zolari bo‘lgan.

Salvador qotilliklar soni bo‘yicha jahonda yetakchi o‘rinlardan birida turadi. Aholisi soni 6,3 million bo‘lgan mamlakatda yil boshidan beri 3,3 mingdan ortiq qotillik holatlari qayd etilgan.