Misr o‘z fuqarolaridan qadimiy yodgorlikni sotib olish uchun pul yig‘ishni so‘radi

Misr rasmiylari mamlakat fuqarolarini Sekxemka haykalini sotib olish uchun 25 million dollar to‘plashga chaqirdi, deb xabar bermoqda “Exo Moskvi”.

Buyuk Britaniyaning Nortgempton muzeyi uni noma’lum xaridorga sotgan. Yodgorlikni Buyuk Britaniyadan olib chiqishga qo‘yilgan taqiq yaqin kunlarda tugaydi va u xususiy kolleksiyalardan biriga o‘tib ketishi mumkin.

Sekxemka haykalining yoshi 4000 da bo‘lib, u Qadimgi podshohlik davrining beshinchi sulolasiga tegishli. Haykal Misrdan XIX asr o‘rtalarida olib ketilgan.