Qozog‘iston prezidenti Nursulton Nazarboyev iqtisodiy siyosatdagi tizimli choralarga bag‘ishlangan yig‘ilishda byudjet taqchilligini kamaytirish uchun turli tashabbuslarni amalga oshirishni “muzlatish” lozimligini ma’lum qildi. Bu haqda “Novosti-Kazaxstan” xabar bermoqda.
“O‘tgan yillar davomida ko‘p qurilishlarni amalga oshirdik, lavozimlar soni va ish haqi miqdorini oshirdik. Ammo ayni paytda mablag‘ yetishmovchiligi kuzatilmoqda, shu bois yangi loyihalar uchun sarf-xarajatlarga jiddiy cheklov qo‘yiladi, turli tashabbuslarga 2018 yilga qadar qo‘l urmaslik talab etiladi. Bu bugungi vaziyat bilan bog‘liq majburiy chora”, — deya ta’kidlagan davlat rahbari.
Izoh (0)