AQShning sobiq davlat kotibi, Demokratlar partiyasidan mamlakat prezidentligiga nomzod bo‘lishga da’vogar Hillari Klinton Arktikada neft va gaz qazib olinishiga qarshi chiqmoqda. Bu haqda “TASS” xabar berdi.
“Arktika — noyob xazina, — deya yozadi u 18-avgust, seshanba kuni Twitter’dagi sahifasida. —Shimoliy muz okeani shelfidagi burg‘ulash ishlari esa atrof-muhit ifloslanishiga olib kelishi mumkin”.
17-avgust, dushanba kuni Barak Obama ma’muriyati Royal Dutch Shell kompaniyasi Arktikada neft va gaz topish maqsadida burg‘ulash ishlari boshlashiga qarshi emasligi ma’lum bo‘ldi: kompaniya mamlakat tabiiy resurslari uchun javobgar bo‘lgan AQSh Ichki ishlar vazirligidan Chukotka dengizining Alyaska shelfida kon qidirish uchun ruxsat oldi.
Izoh (0)