Ekvadorda futbol bo‘yicha ayollar chempionatining “Kotopaksi” va “Esmeraldas” jamoalari o‘yinidan so‘ng ommaviy mushtlashuv ro‘y berdi. Bu haqda 101greatgoals.com xabar bermoqda.
“Kotopaksi” foydasiga 3:2 hisobida yakunlangan o‘yindan so‘ng “Esmeraldas” futbolchilari hakamlarga noroziliklarini bildirdi, bu mojaroga “Kotopaksi” vakilalari ham qo‘shilib, ur-yiqitga aylanib ketdi. Stadionda qo‘riqchilar va politsiya xodimlari bo‘lmagani sababli yoqalashayotgan sportchi xonimlarni jamoalar xodimlari zo‘rg‘a tinchlantirib oldi.
Ekvador futbol federatsiya mazkur hodisa yuzasidan tekshiruv boshlanganini e’lon qildi.
Izoh (0)