Boshqirdistonlik 27 yoshli ayol 17-avgust kuni to‘rt va ikki yoshli o‘g‘illarini o‘z uyidagi cho‘milish xonasida cho‘ktirib o‘ldirdi. Bu haqda “Vesti.ru” xabar bermoqda.
Tergov ma’lumotlariga ko‘ra, 30-iyundan 14-avgustga qadar ruhiy kasalliklar shifoxonasida davolanib chiqqan ayol “uyga haddan tashqari kir ahvolda kirib kelgani uchun” ikki o‘g‘lini cho‘ktirib o‘ldirdi. Shundan so‘ng qilmishi haqida o‘zi davolanib chiqqan shifoxona xodimlariga ma’lum qilgan.
Huquqni muhofaza qilish organlaridagi manbaning ma’lum qilishicha, ayol o‘z farzandlarini o‘ldirganidan afsusda emas, “chunki bolalar baribir kasal edi”. Xabar berishlaricha, mazkur holat bo‘yicha jinoyat ishi qo‘zg‘atilgan, gumonlanuvchi ayol shifoxonada nazorat ostida ushlab turilibdi.
Izoh (0)