General Motors kompaniyasi xavfsizlik tizimidagi nosozlik tufayli Chevrolet Cobalt avtomobillarining 2010-yilgi model qatori vakillarini chaqirib olishini e’lon qildi, deb xabar bermoqda “3Dnews.ru”.
2010-yilgi Cobalt. Foto: thecarconnection.com
Qayd etilishicha, ushbu avtomobillarda elektr simlari noto‘g‘ri o‘rnatilgani tufayli yo‘l-transport hodisasi vaqtida haydovchi tomonidagi xavfsizlik yostiqchasi ishlamasligi mumkin. Hozircha kamida bir marta shunday holat kuzatilgan. Jami 73 400 ta Cobalt chaqirilgan bo‘lib, nosozlik GM servis markazlarida bepul tuzatib beriladi.
Ta’kidlash lozimki, Takata xavfsizlik yostiqchilari bilan bog‘liq muammo GM’dan boshqa kompaniyalar avtomobillarida ham kuzatilmoqda. Jami 53 millionta sotilgan mashinada shunday muammo bo‘lishi mumkin. Honda, Nissan, Fiat Chrysler, Toyota, BMW, Mazda, Ford, General Motors, Subaru va Mitsubishi kabi ishlab chiqaruvchilar nosoz yostiqchalarni o‘rnatgani ma’lum bo‘lgan.
