Italiya harbiy dengiz kuchlari muhojirlarni tashish chog‘ida halokatga uchragan kema tubidan 40 ga yaqin jasad topdi, deb xabar bermoqda Meduza.
Ularning barchasi paluba va kema tubi o‘rtasidagi qism – tryumda bo‘lgan va nafasi qisishi oqibatida halok bo‘lgani taxmin qilinmoqda. Lampeduza yaqinida cho‘ka boshlagan kema haddan tashqari to‘la bo‘lgan – unda jami 400 ga yaqin kishi bo‘lgan. Qutqaruv operatsiyasi davom etmoqda.
2015-yil boshidan buyon Italiyaga qayiq va kemalarda Afrikadan 101 mingdan ortiq muhojir suzib o‘tgan. Yo‘lda 2000 dan ortiq kishi halok bo‘lgan. Ko‘pincha muhojirlar Italiyaga haddan ortiq to‘lgan kemalarda yo‘l olishi kuzatilgan.
Izoh (0)