O‘zbekiston Prezidenti Islom Karimov tomonidan 10-avgust kuni imzolangan “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi qonun Fuqarolik kodeksiga tuzatishlar kiritdi. Bu haqda UzDaily xabar bermoqda.
Kiritilgan tuzatishga muvofiq, davlat terrorchilikka qarshi operatsiya o‘tkazish natijasida yetkazilgan zararning o‘rnini qoplaganidan so‘ng, sodir etilgan aybli harakatlari terrorchilikka qarshi operatsiya o‘tkazilishiga sabab bo‘lgan shaxsga nisbatan to‘langan tovon miqdorida qayta talab qilish (regress) huquqiga ega bo‘ladi.
Mazkur qonun Oliy Majlis Qonunchilik palatasi tomonidan 2015-yil 29-iyul kuni qabul qilingan va 2015-yil 6-avgust kuni Senat tomonidan ma’qullangan edi. Tuzatishlar 11-avgustdan e’tiboran kuchga kirdi.
Izoh (0)