“Maxluqlar ovi” fentezi-komediyasi Xitoy tarixidagi eng kassabop filmga aylandi: namoyish etilishining ilk haftalaridayoq tushum 211 million dollarni tashkil etdi. Bu haqda Variety xabar bermoqda.
Oldingi rekod 2013-yil qish mavsumida 208 million dollar to‘plagan “Tailanddagi sarguzashtlar” komediyasiga tegishli edi. Xitoyda namoyish etilgan eng daromadgir chet el filmi esa “Forsaj 7” bo‘lib turibdi (390 million dollar).
“Maxluqlar ovi”ga Raman Xyui rejissorlik qildi. Asli xitoylik bo‘lgan bu multiplikator ko‘p yillar Gollivudda ishlagan bo‘lib, bolalarning sevimli qahramonlaridan biri Shrekning mualliflaridan hisoblanadi. U shuningdek, “Madagaskar”, “Ants ismli chumoli” multfilmlarini ham suratga olgan. “Maxluqlar ovi” Xyui tomonidan suratga tushirilgan ilk badiiy film, unga 40 million dollar sarflandi.
Izoh (0)