Xitoyning Shenzhen Airlines aviakompaniyasi samolyoti bortida o‘zini yoqib yuborishga uringan shaxs ekipaj a’zolari va yo‘lovchilar tomonidan to‘xtatib qolindi. Bu haqda “Echo.msk.ru” xabar bermoqda.
Xabar berishlaricha, hodisa 26-iyul, yakshanbaga o‘tar kechasi Taychjou shahridan Guanchjouga uchayotgan reysda yuz bergan. Yo‘lovchi o‘zini yoqib yuborish uchun benzin va zajigalkadan foydalangan.
Oxir-oqibat, bortida 95 nafar yo‘lovchi va ekipajning to‘qqiz nafar a’zosi bo‘lgan samolyot Guanchjou aeroportiga muvaffaqiyatli qo‘ndi, o‘zini yoqib yuborishga harakat qilgan yo‘lovchi esa politsiyaga topshirildi.
Qayd etishlaricha, bortdagi ikki kishi tan jarohati olgan, biroq jarohat olish tafsilotlari ma’lum qilinmayapti. Shuningdek, yo‘lovchi nima sababdan o‘ziga o‘t qo‘ymoqchi bo‘lgani ham noma’lum.
Izoh (0)