Torontoda davom etayotgan Panamerika o‘yinlarida Kuba termasining 20 sportchisi AQShga qochdi

Torontodagi Panamerika o‘yinlarida qatnashayotgan chim ustida xokkey bo‘yicha Kuba erkaklar terma jamoasining yarmi AQShga qochib ketdi. Bu haqda “Echo.msk.ru” xabar bermoqda.

Natijada belgilangan 11 o‘yinchi o‘rniga sakkiz sportchi bilan maydonga chiqqan kubaliklar Trinidad va Tobago terma jamoasiga 0:13 hisobida imkoniyatni boy berdi.

Bu joriy Panamerika o‘yinlaridagi yagona shunday holat emas. Umuman, Kuba terma jamoasi qarorgohini 20 sportchi, jumladan, chim ustida xokkey bo‘yicha Kuba ayollar terma jamoasining sakkiz a’zosi va eshkakchilarning to‘rt sportchidan iborat to‘liq tarkibi tark etgan.

Umuman, Panamerika o‘yinlarida Kubadan jami 150 nafar sportchi ishtirok etayotgan edi.