BRIKS mamlakatlari (Braziliya, Rossiya, Hindiston, Xitoy va Janubiy Afrika Respublikasi)ning Yangi taraqqiyot banki (YaTB) o‘zining dastlabki kreditini Xitoy milliy valyutasi — yuanda beradi. Bu haqda, “TASS” xabariga ko‘ra, mazkur moliya instituti prezidenti Kundapur Vaman Kamatx ma’lum qildi.
“Bankning ilk krediti 2016-yil aprelida yuanda tasdiqlanadi”, — deya Kamatxning so‘zlaridan iqtibos keltirmoqda Hindistonning Outlook jurnaliyu
YaTBni tashkil etish haqidagi qaror BRIKSning 2014-yil iyulida Braziliyada bo‘lib o‘tgan sammitida imzolangan edi. U BRIKS davlatlari va rivojlanayotgan mamlakatlardagi infratuzilmaviy loyihalar va barqaror rivojlanish loyihalarini moliyalashtiradi. YaTBning kapitali 100 milliard dolarga teng bo‘lib, uning bosh qarorgohi Shanxayda joylashgan.
Avvalroq YaTBning rossiyalik vitse-prezidenti Vladimir Kazbekov bank uchun investitsion loyihalarni saralash ishlari 2015-yil oxirida boshlanishini ma’lum qilgandi.
Izoh (0)