Denis Istomin Bastaddagi turnirning chorak finalida mag‘lub bo‘ldi

O‘zbekistonning birinchi raqamli tennischisi Denis Istomin Shvetsiyaning Bastad shahrida davom etayotgan turnirdagi ishtirokini yakunladi, deb xabar qiladi “Olamsport.com”.

24-iyul kuni o‘tkazilgan yakkalik bahsining chorak final uchrashuvida fransiyalik Benua Perga qarshi kortga chiqqan Denis raqibiga 4:6, 2:6 hisobida imkoniyatni boy berib qo‘ydi.

Turnirning mukofot jamg‘armasi 439 405 yevroni tashkil etadi. Taqqoslash uchun, Istomin dunyo reytingida 73, Per esa 62-o‘rinni egallab turibdi. Istomin ilk davrada argentinalik Diyego Shvarsmanni 6:3, 6:4, ikkinchi davrada esa ispaniyalik Nikolas Almagroni 6:3, 6:3 hisobida mag‘lub etgandi.