Rossiyalik ayol yosh qizchani it tasmasi bilan bog‘lab, sayr qildirdi (video)

Rossiyaning Yekaterinburg shahri politsiyasi ayolning it tasmasi bilan bog‘langan qizchani sayr qildirib yurgani tasvirlangan videoni o‘rganib chiqmoqda. Kadrlarda qizaloqning to‘rt oyoqlab yurganini ko‘rish mumkin, deb xabar beradi “Zvezda” telekanali.

Videoni yekaterinburglik Aleksey Vlaskin suratga tushirgan. U ushbu yozuvni mahalliy politsiya va E1.ru portaliga topshirgan.

https://www.youtube.com/watch?v=iRH6EButUAs

“Men buni 20-iyul kuni tushlikdan keyin ‘Yashil daraxtzor’ bog‘ida ko‘rdim. Men futbol maydoni oldida aylanib yurgandim va mana shunday g‘alati juftlikni uchratdim. Ularni 10 daqiqacha kuzatdim va bu vaqt davomida bola to‘rt oyoqlab yugurib yurdi, juda ustalik bilan, deb ta’kidlagan bo‘lardim. Meni oldimda tik oyoqda turmadi. Boshqa bolalar qo’llarida qizaloqqa ovqat berdi, u xuddi it kabi chopib keldi”, — deb Vlaskinning so‘zlaridan keltiradi portal.

Huquq-tartibot organlari ayol va qizchaning shaxsini aniqlashga urinmoqda.