Hindistonda 600 ming tonnadan ziyod zaxiraga ega ikkita uran koni ochildi

Hindiston janubi-sharqiy sohilbo‘yida uranga boy bo‘lgan va 600 ming tonnadan ziyod zaxiraga egaligi taxmin qilinayotgan ikki yirik kon ochildi. Bu haqda Times of India nashriga tayanib, “TASS” xabar bermoqda.

45 kvadrat kilometr maydonga ega bu konlar Hindiston atom minerallari direktorati va Osmaniya universiteti tadqiqotchilari guruhi tomonidan Andxra-Pradesh shtatining Kadapa okrugida va qisman qo‘shni Telengana shtati hududida topilgan. Dastlabki hisob-kitoblarga ko‘ra, bu ikki kondagi uran zaxiralarining umumiy miqdori 600 ming tonnadan oshadi.