McDonald’s bolaga to‘kib yuborilgan qahva uchun 100 ming rubl taklif qildi

Moskvaning Tverskoy tumani sudi bolaga qahva to‘kib yuborganligi uchun McDonald’s restoranidan besh million rubl talab qilayotgan da’vogarning arizasi bo‘yicha ishni 18-sentabr kuni ko‘rib chiqish uchun tayinladi. Bu haqda “Gazeta.ru” xabar beradi.

Javobgar tomonning advokati Maksim Titarenkoning so‘zlariga qaraganda, arizachi kelishuv bitimini tuzishdan bosh tortib, yetkazilgan ma’naviy zarar uchun tovon puli talab qilgan.

Shu o‘rinda, da’vogarning advokati Pyotr Dombrovitskiyning ma’lum qilishicha, McDonald’s restoranining vakillari uning mijoziga ma’naviy zarar uchun 100 ming rubl taklif qilgan.

Moskvalik Aleksey Karelov kassachining qahva to‘kib yuborishi natijasida uning uch yoshli qiziga shikast yetganligi sababli sudga murojaat qilgan.