NASA’ning qurilmasi 1972-yildan beri birinchi marta to‘liq Yerni suratga oldi. Meduza’ning xabar berishicha, oxirgi marta shunga o‘xshash surat Oyga uchib ketayotgan “Apollon-17” missiyasi astronavtlari tomonidan suratga olingandi.
Yangi fotosurat Yer va Quyosh o‘rtasidagi Lagranja deb ataladigan nuqtada turgan DSCOVR fazoviy qurilmasi tomonidan olingan (mazkur nuqtada qurilma sayyora va yulduzga nisbatan qimirlamasdan turadi).
DSCOVR hozirgi vaqtda Yerdan taxminan 1,5 million kilometr uzoqlikda joylashgan.
Mazkur suratning Yer sathining boshqa fotolaridan asosiy farqi — u bir vaqtning o‘zida olingan, boshqa fotosuratlar esa ko‘plab suratlarni jamlash orqali hosil qilinadi, chunki past orbitada uchayotgan sun’iy yo‘ldoshlar Yerni butunligicha suratga ololmaydi.
DSCOVR qurilmasi (Deep Space Climate Observatory) 2015-yil 11-fevral kuni uchirilgan edi. Iyun oyida u belgilangan nuqtaga yetib keldi. Fazoviy observatoriya Quyoshning faolligi, shuningdek, Yer atmosferasi holatini kuzatib boradi.
Izoh (0)