“Portlend Torns” jamoasi hujumchisi Aleks Morgan FIFA futbol simulyatori yuzi sifatida tanlangan ilk ayol bo‘ldi. Bu haqda The Independent xabar bermoqda.
Morgan FIFA 16 ning Shimoliy Amerika nashri muqovasida paydo bo‘ladi. Shu yo‘l bilan o‘yin noshiri — Electronic Arts kompaniyasi simulyatorga AQSh ayollar terma jamoasi qo‘shilganini qayd etishni maqsad qilgan, Aleks Morgan esa mazkur jamoa a’zosi hisoblanadi.
FIFA 16 ning Kanada uchun mo‘ljallangan talqinida Morganning o‘rnini Kanada ayollar terma jamoasi sardori, futbolchi Kristin Sinkler egallaydi.
Avvalroq FIFA 16 da jahonning eng kuchli 12 ayollar jamoasi — Avstraliya, Braziliya, Kanada, Xitoy, Angliya, Fransiya, Germaniya, Italiya, Meksika, Ispaniya, Shvetsiya va AQSh termalari paydo bo‘lishi haqida xabar berilgan edi.
Ma’lumot uchun, FIFA 16 futbol simulyatori 2015-yilning 22-sentabr kuni PC, Xbox One, Xbox 360, PS4 va PS3 uchun sotuvga chiqariladi.
Izoh (0)