Xalqaro olimpiya qo‘mitasi rahbari Tomas Bax shaxmat 2018-yilda o‘tkaziladigan qishki Olimpiada dasturiga kiritilgani haqidagi ma’lumotlarni inkor etdi. Bu haqda “R-Sport” agentligiga tayanib, “Gazeta.ru” xabar berdi.
“Qishki o‘yinlar muz va qor bilan bog‘liq sport turlari uchun mo‘ljallangan. Ularda ko‘rgazmali turlarning paydo bo‘lishi mantiqqa zid bo‘lardi”, — deya ta’kidlagan u.
Eslatib o‘tamiz, oldinroq xalqaro shaxmat federatsiyasi (FIDE) prezidenti Kirsan Ilyumjinov tezkor shaxmat va blits Olimpiada — 2018 dasturiga kiritilishini e’lon qilgandi.
Izoh (0)