Nigeriyadagi portlashlar uch nafar voyaga yetmagan qiz tomonidan sodir etilgan

Nigeriyada yuz bergan uchta portlash voyaga yetmagan qizlar tomonidan sodir etilgan, deb xabar beradi “RIA Novosti”. Natijada o‘ndan ortiq kishi halok bo‘ldi.

Nigeriyaning shimoli-sharqidagi Damaturu shahrida uchta portlash sodir bo‘lgan. Ulardan ikkitasi musulmonlar Iyd al-Fitr bayrami munosabati bilan namoz o‘qiyotgan ochiq maydonda yuz bergan. Uchinchi portlash masjid yaqinida sodir etilgan.

“Uch nafar voyaga yetmagan qiz uyushtirgan portlash natijasida 13 kishi halok bo‘ldi, yana 15 nafari yaralandi”, —deydi politsiya vakili Markus Danladi.

Mamlakatdagi terrorchilik guruhlaridan hech biri hodisa uchun javobgarlikni o‘z bo‘yniga olmadi.