“Formula-1” bo‘yicha “Marusya” jamoasi poygachisi fransiyalik Jyul Byanki vafot etdi, deya xabar bermoqda “Exo Moskvi”.
Shifokorlar 25 yoshli poygachini hayotga qaytarish uchun to‘qqiz oy harakat qildi, biroq 18-iyul kuni qarindoshlari uning o‘lganini ma’lum qildi.
So‘nggi oylarda u Nitssadagi kasalxonalardan birida koma holatida yotgan. U yerga poygachi o‘tgan yilning oktabrida Yaponiyadagi Gran-prida sodir bo‘lgan halokatdan so‘ng yotqizilgan edi. Murakkab ob-havo sharoiti tufayli Byanki trassadan uchib ketgan va soatiga 200 km tezlikda evakuatorga borib urilgan edi.
Poygachi 2013-yil fevralida Rossiyaning “Marusya” jamoasi bilan shartnoma imzolagan edi.
Izoh (0)