Parij yaqinidagi do‘konda noma’lum shaxslar 18 kishini garovga oldi

Parij yaqinidagi Vilnev-la-Garenn shaharchasida joylashgan Primark tarmog‘ining do‘konida uch nafar qurollangan shaxs do‘konning 18 nafar xodimini garovga oldi, deb xabar bermoqda Le Parisien.

Qayd etilishicha, ushbu do‘kon Qwartz savdo markazida joylashgan. Bosqinchilar mahalliy vaqt bilan ertlabki soat 6:00 da, savdo markazining eng erta ishga keluvchi xodimlari bilan birgalikda kelgan. Bu do‘konni o‘marishga urinish ekanligi taxmin qilinmoqda.

Xodimlardan birining so‘zlariga ko‘ra, u savdo markazidan odamlar qochib chiqayotganini ko‘rgan va “ular qurollangan”, deya qichqirganini eshitgan. Bosqinchilardan biri Primark xodimi bo‘lishi mumkinligi aytilgan. Voqea joyiga politsiyaning oliy toifali bo‘linmasi yetib kelgan.